Jahon banki Samarqand poliklinikalarini yangilashga 100 mln dollar ajratdi

Jahon banki SHIFO-1 dasturiga 100 mln dollar ajratdi: Samarqand viloyatida 400 dan ortiq oilaviy poliklinika modernizatsiya qilinadi, 6400 xodim o‘qitiladi.

· 1 daqiqa o‘qish

bino
World Bank

Jahon banki Ijrochi direktorlar kengashi 17-noyabr kuni Samarqand viloyatida birlamchi tibbiy-sanitariya yordamini takomillashtirish dasturi (SHIFO-1) uchun 100 mln dollar ajratishni ma’qulladi. Mablag‘ Xalqaro taraqqiyot assotsiatsiyasining imtiyozli krediti sifatida beriladi.

Dasturning umumiy qiymati 525 mln dollar bo‘lib, shundan 425 mln dollarni O‘zbekiston hukumati moliyalashtiradi. Loyiha qariyb 4,3 mln aholi istiqomat qiladigan viloyatni qamrab oladi.

Dastur doirasida 400 dan ortiq oilaviy poliklinika modernizatsiya qilinadi. 6400 dan ortiq tibbiyot xodimi, jumladan 1250 oilaviy shifokor va 5000 hamshira o‘qitilib, sertifikatlanadi.

Taxminan 330 ming katta yoshli aholi yurak-qon tomir kasalliklari xavfi bo‘yicha skriningdan o‘tkaziladi, davolanayotgan 250 ming bemor DMED raqamli platformasi orqali kuzatib boriladi.

Jahon banki loyiha qariyb 28,8 ming qo‘shimcha, yuqori maoshli ish o‘rni yaratishini kutmoqda.

Dastur 2028-yil dekabrgacha Iqtisodiyot va moliya vazirligi hamda Sog‘liqni saqlash vazirligi tomonidan amalga oshiriladi.

5marta ko‘rilgan
Manbalar

Yana o‘qing

5marta ko‘rilgan