Konor Makgregor Holouey bilan uchinchi jangni istamoqda
Konor Makgregor Maks Holouey bilan yana bir bor jang qilish istagini bildirdi. Irlandiyalik sportchi bu haqda Glazgodagi BKFC tadbiridan keyingi matbuot anjumanida gapirdi
· 1 daqiqa o‘qish

Irlandiyalik aralash yakkakurash ustasi Konor Makgregor amerikalik jangchi Maks Holouey bilan uchinchi bor oktagonda to‘qnash kelishni istamoqda.
Makgregor bu haqda Shotlandiyaning Glazgo shahrida bo‘lib o‘tgan BKFC tadbiridan keyingi matbuot anjumanida ma’lum qilgan.
«Bu, albatta, Holouey bo‘lishi kerak. Keling, bu jangni yana bir bor o‘tkazamiz», — dedi Makgregor.
Eslatib o‘tamiz, ikki sportchi ilk bor 2013-yilda UFC turnirida uchrashgan. O‘sha jangda Makgregor hakamlarning yakdil qarori bilan g‘alaba qozongan. Hozircha ular o‘rtasidagi ehtimoliy uchinchi jangning sanasi va joyi rasman e’lon qilinmagan.


