Lukashenko: Tramp dunyoni uchinchi jahon urushidan saqlab turibdi
Belarus rahbari Minskdagi konferensiyada Trampning ziddiyatli siyosati yadro urushining oldini olayotganini aytdi va unga Nobel tinchlik mukofotini taklif qildi.
· 1 daqiqa o‘qish

Belarus prezidenti Aleksandr Lukashenko 3-noyabr kuni Minskda bo‘lib o‘tgan IV xalqaro Yevroosiyo xavfsizligi konferensiyasida AQSh prezidenti Donald Trampning harakatlari dunyoni uchinchi jahon urushidan saqlab turganini aytdi.
Uning so‘zlariga ko‘ra, Tramp siyosati dunyoni qutblashtirmoqda va asosli tanqidlarga sabab bo‘lmoqda, biroq «hatto ziddiyatli bo‘lsa ham» uning amallari global mojaroning oldini olishga xizmat qilmoqda.
Lukashenko uchinchi jahon urushi yadro qurollari qo‘llanadigan mojaroga aylanishi mumkinligini ta’kidlab, bunday vaziyatda AQSh ham okean ortida yashirinib qutula olmasligini aytdi.
Belarus rahbari, shuningdek, Tramp Yevropani yadro mojarosidan tiyib turgani uchun Nobel tinchlik mukofotiga munosib ekanini bildirgan.
U Ukraina mojarosi to‘xtatilmasa, u jahon urushiga aylanishi mumkinligidan ham ogohlantirgan.


