NVIDIA asoschisi Jensen Huang restoranda idish yuvuvchi boʻlib ishlagan

NVIDIA asoschisi Jensen Huangning hayot yo‘li oddiy restorandagi ishdan dunyoning yetakchi texnologiya kompaniyalaridan birini tashkil etishgacha davom etdi. Uning hikoyasi mehnat, bilim va uzoq muddatli maqsadlar haqida.

· 2 daqiqa o‘qish

milliarder qari erkak
jensen.huang

Bugun sun’iy intellekt va kompyuter texnologiyalari rivojiga katta ta’sir ko‘rsatayotgan NVIDIA kompaniyasining asoschisi Jensen Huang faoliyatini AQShdagi Denny’s restoranida idish yuvishdan boshlagan. Oradan yillar o‘tib, u texnologiya sanoatining eng taniqli rahbarlaridan biriga aylandi. Bu haqda Huang 2024-yil 25-aprelda Stanford universiteti biznes maktabida bo‘lib o‘tgan suhbatda o‘z xotiralari bilan o‘rtoqlashgan.

Tadbirkorning so‘zlariga ko‘ra, restorandagi ilk ishidan keyin unga yangi vazifalar ham ishonib topshirilgan. U idish yuvuvchilikdan stollarni yig‘ishtirish va mijozlarga xizmat ko‘rsatishga yordam beradigan busboy lavozimigacha ko‘tarilgan. Huang o‘sha davrni eslar ekan, har qanday vazifaga jiddiy yondashish va ishni puxta bajarish muhimligini ta’kidlagan.

Uning keyingi faoliyati muhandislik bilan bog‘liq bo‘ldi. Jensen Huang Oregon State University’da elektrotexnika yo‘nalishida bakalavr, Stanford universitetida esa magistrlik darajasini olgan. NVIDIA kompaniyasini tashkil etishidan avval LSI Logic va AMD kompaniyalarida ishlagan.

1993-yilda Huang hamkorlari bilan NVIDIA kompaniyasiga asos soldi. Dastlab grafik protsessorlar ishlab chiqarishga e’tibor qaratgan kompaniya 1999-yilda GPU texnologiyasini taqdim etdi. Bu yangilik kompyuter grafikasi va videoo‘yinlar sanoatining rivojlanishiga sezilarli ta’sir ko‘rsatdi. Keyinchalik NVIDIA faoliyati sun’iy intellekt va tezlashtirilgan hisoblash texnologiyalarini ham qamrab oldi.

Huangning rahbarlik tamoyillaridan biri — hech bir vazifani o‘zidan past deb bilmaslik. U Stanforddagi suhbatda rahbar ham zarur bo‘lsa, oddiy ishlarni bajarishga tayyor bo‘lishi kerakligini o‘z tajribasi orqali tushuntirgan. Uning fikricha, kompaniya muvaffaqiyati faqat rahbarning qarorlariga emas, balki jamoaning bilim va salohiyatidan qay darajada foydalanilishiga ham bog‘liq.

4marta ko‘rilgan
Manbalar

Yana o‘qing

4marta ko‘rilgan